Santiago de Compostela, 3 de decembro de 2019.- O Museo do Pobo Galego acolleu a presentación do novo número dos Cadernos Ramón Piñeiro dedicado a Antonio Fraguas, director e presidente do Padroado do Museo e homenaxeado das Letras Galegas en 2019. A publicación está formada por un limiar e trinta e seis colaboracións que recollen lembranzas arredor da vida e da obra do autor natural de Cotobade.
No acto estiveron presentes Justo Beramendi, presidente do Padroado e da Fundación Antonio Fraguas Fraguas; Valentín García, secretario xeral de Política Lingüística; Víctor F. Freixanes, presidente da Real Academia Galega; Rosario Álvarez, presidenta do Consello da Cultura Galega; ou Luís Cochón, coeditor da obra.
Homenaxe colectiva
Este número dos Cadernos Ramón Piñeiro XXXIX. Antonio Fraguas: laboris causa. Trigo limpo candeal correu a cargo dos profesores Luís Cochón e Justo Beramendi. O volume constitúe unha homenaxe colectiva ao autor na que participaron Arcadio López-Casanova, Nélida Piñón, Víctor F. Freixanes, Clodio González Pérez, Ana Acuña, Luís Alonso Girgado, Emilio Araúxo, Xosé Luís Axeitos, Carlos Baliñas Fernández, Xosé Ramón Barreiro Rivas, Guilermo Campos Piñón, Rafael Chacón Calvar, Caetano Díaz, Francisco Díaz-Fierros, Xosé Ramón Fandiño, Mar Fernández-Vázquez, Xosé Fortes, Xosé Fuentes Allende, Xoán Carlos Garrido, David González Couso, Manuel González González, X. M. González Reboredo, Bieito Iglesias, Emilio Xosé Ínsua, Gonzalo Navaza, Camiño Noia, Daniel Pino, Xabier Ron, Anxo Tarrío, Xosé Carlos Valle, Antón Vidal Andión, Manuel Vilar, María Dolores Villanueva.
O volume do Centro Ramón Piñeiro para a Investigación en Humanidades (CRPIH) inclúe ademais, a modo de presentación, unha lembranza de Antonio Fraguas asinada por Carlos García Martínez, director do Museo do Pobo Galego e académico correspondente falecido o ano pasado.
De martes a sábado:
11:00 - 18:00 horas
Domingos e festivos:
11 - 14 horas
LUNS PECHADO
24 e 31 de decembro, 5 de xaneiro: 11 - 14 horas
Peche anual:
1 de xaneiro (Aninovo) e
25 de decembro (Nadal)
Entrada ordinaria:
4 euros
Entrada reducida:
1,50 euro (maiores de 65 anos, estudantes maiores de 18 anos)
Entrada gratuíta:
socios do Museo (acompañantes 3 euros), estudantes menores de 18 anos e traballadores no paro
Grupos a partir de 6 persoas:
3 euros por persoa
Visita a exposicións temporais:
gratuíta
Entrada libre:
Domingos
18 de maio (Día dos Museos)
25 de xullo
29 de outubro (aniversario do MPG)
C/ San Domingos de Bonaval,
15703, Santiago de Compostela.
tel. 981-583620 / fax 981-554840
email: info@museodopobo.gal
Existe a posibilidade de organizar visitas para grupos previo contacto
Para poder visualizar a visita virtual é necesario ter instalado:
· QuickTime. 
Descarga
