Con motivo de dedicarse este ano o Día das Letras galegas ao dramaturgo Roberto Vidal Bolaño, o Museo do Pobo Galego fai, como todos os anos no mes de maio, unha mostra bibliográfica sobre a persoa a quen se lle dedica este dí­a.
Nesta mostra quer darse unha visión das diversas facetas de Roberto Vidal Bolaño, desde a de director e intérprete, ata a de autor e animador da escena galega, especialmente nos anos da transición. Así­ exhí­bense as diferentes edicións da obra teatral de Vidal Bolaño, mesmo o texto mecanografado da obra Ruada das papas e o unto, como obras que fan referencia ao quefacer teatral deste autor compostelán¡ e ao seu papel na historia do teatro galego.
Na mostra tamén esté un dos sombreiros que pertencí­a ao dramaturgo e identificativo da súa imaxe e silueta.

150 Aniversario da publicación de Cantares Gallegos de Rosalí­a de Castro

O Museo do Pobo Galego conmemora esta efeméride cunha mostra bibliográfica onde se expoñen diversas edicións deste libro, así­ como diferentes antoloxí­as da obra rosaliana.
Cabe destacar unha primeira edición de Cantares Gallegos, obra que procede da biblioteca do convento compostelán de San Francisco, ou a edición en galego e xaponés realizada por Takekazu Asaka, así­ como outra en braille, pasando pola edición de 1872, pola da librería compostelá Gali de 1941 ou polas varias edicións que se fixeron no exilio