O Museo do Pobo Galego ofrece unha mostra bibliográfica do homenaxeado no Día das Letras Galegas 2010, Uxío Novoneyra. A familia do poeta prestou a súa colaboración para este evento.
A mostra consta de primeiras edicións e colaboracións en diversas publicacións, acompañadas por biografías e crítica literaria en torno á súa obra. Todos estes títulos forman parte dos fondos da Biblioteca da institución; algúns dos exemplares amosan dedicatorias autógrafas para o Museo do Pobo Galego, co que Novoneyra mantivo unha relación asidua na súa condición de presidente da Asociación de Escritores en Lingua Galega.
Xunto á colección bibliográfica, ofrécese unha audición que exemplifica a faceta do Poeta do Courel coma recitador, na que destacou.
A xeito de complemento desta conmemoración das Letras Galegas, o visitante poderá ver a mostra Rocha Viva, de Xosé Manuel Ribeira, que ofrece unha orixinal ollada sobre os personaxes homenaxeados neste día, desde 1963 ata a actualidade. Trátase de caricaturas sobre cantos rodados con pequenos textos de cada un dos autores, unha maneira sinxela e entretida de achegármonos á celebración da nosa lingua.
De martes a sábado:
11:00 - 18:00 horas
Domingos e festivos:
11 - 14 horas
LUNS PECHADO
24 e 31 de decembro, 5 de xaneiro: 11 - 14 horas
Peche anual:
1 de xaneiro (Aninovo) e
25 de decembro (Nadal)
Entrada ordinaria:
4 euros
Entrada reducida:
1,50 euro (maiores de 65 anos, estudantes maiores de 18 anos)
Entrada gratuíta:
socios do Museo (acompañantes 3 euros), estudantes menores de 18 anos e traballadores no paro
Grupos a partir de 6 persoas:
3 euros por persoa
Visita a exposicións temporais:
gratuíta
Entrada libre:
Domingos
18 de maio (Día dos Museos)
25 de xullo
29 de outubro (aniversario do MPG)
C/ San Domingos de Bonaval,
15703, Santiago de Compostela.
tel. 981-583620 / fax 981-554840
email: info@museodopobo.gal
Existe a posibilidade de organizar visitas para grupos previo contacto
Para poder visualizar a visita virtual é necesario ter instalado:
· QuickTime. 
Descarga
